Arrin të kalojë rrethojat dhe të shmang pjesëtarët e sigurimit, vogëlushja nga Kolumbia vrapon në drejtim të veturës së Papës (Video)

Papa Françesku ka bekuar një vajzë të vogël kolumbiane, e cila arriti t’i shmanget pjesëtarët të sigurimit dhe të vrapojë në drejtim të veturës në të cilën gjendjes Papa gjatë vizitës në Abu Dhabi.

Incidenti ka ndodhur gjatë të hënës pasdite, pak minuta para se Papa t’i drejtohej masës që besohet të ishin rreth 170 mijë qytetarë që prisnin ta dëgjonin fjalimin e tij në stadiumin Zayed, transmeton Telegrafi.

Po të njëjtën ditë derisa Papa po kthehej me aeroplan në Vatikan, lavdëroi Gabrielën e vogël për guximin.

“Ky fëmijë ka të ardhme. Më pëlqen. Duhet të keni kurajo ta bëni atë”, ka deklaruar para gazetarëve në aeroplan Papa.

Në videon e publikuar më poshtë shihet se si vogëlushja kalon rrethojat dhe vrapon në drejtim të Papës, duke iu shmangur kështu edhe sigurimit që kujdeseshin për sigurinë e Papës.

Megjithatë kur e panë se po i afrohej veturës sigurimi reagoi duke e ndalur, por ishte Papa që u kërkoi t’ia afrojnë për ta përqafuar për guximin. /Telegrafi/