Pas transferimit tek skuadra e re, Mergim Mavrajt i ndodh diçka që nuk e priste as vet

Sapo mbërrin tek Ingolstadt, Mërgim Mavraj bëhet favorit për shiritin e kapitenit

Pas transferimit te Ingolstadti në Gjermani, Mërgim Mavraj duket se po merr vlerësime maksimale nga klubi gjerman dhe po konsiderohet si një goditje në merkaton e janarit.

Eksperienca e tij me klube të ndryshme si në Gjermani, ashtu edhe jashtë, ka bërë që të shpresojnë se Mavraj mund të jetë një lojtar kyç për mbijetesën.

Pak ditë më parë, ishte vetë trajneri i Ingolstadtit ai i cili u shpreh se Mavraj është një lojtar fitues që me eksperiencën që mbart mbi shpatulla, mund të bëhet shumë shpejt fitues edhe te klubi i ri.

Mesa duket, drejtuesit e klubit gjerman nuk mjaftohen vetëm me elozhe karshi Mavrajt, duke qenë se tani po mendohet diçka edhe më e madhe.

Ata po diskutojnë se kush duhet të mbajë shiritin e kapitenit në krah për pjesën e mbetur të sezonit dhe Mavraj është një nga favoritët kryesorë.

Fakti që e njeh mirë futbollin gjerman dhe aq më tepër që është kapiten i Kombëtares, ka bërë që gjermanët të besojnë se Mavraj mund të jetë lideri ideal për të qenë edhe kapiten i Ingolstadtit.