Policia prangos kryesuesi i Bordit të Drejtorëve të Trafikut Urban, deshi ta punësojë gruan në kompaninë që drejton

Policia e Kosovës ka prangosur 38 vjeçarin Ruhan Beha, Kryesuesin e Bordit të Drejtorëve të Trafikut Urban, nën dyshimin se ka ndikuar tek vartësit e tij për ta punësuar një person. Mësohet se kandidatja për të cilën kishte ndikuar Ruhan Beha, është vetë gruaja e tij. Ai donte që ta punësonte në kompaninë që ai drejton.

Rastin e ka konfirmuar edhe Policia e Kosovës. “Pas hetimeve paraprake, nën dyshimin për përfshirje në veprat penale keqpërdorim i pozitës apo autoritetit zyrtar dhe ushtrim i ndikimit, ka prangosur të dyshuarin: R.B. (1982), kryesuesi i Bordit të Drejtorëve – Trafiku Urban në Prishtinë”, thuhet në njoftim.

Sipas policisë, i prangosuri, dyshohet se tejkalon autorizimet e tij dhe mundohet të ndikojë në vartësit e tij për pranim të një kandidateje në një konkurs punësimi.Ruhan Beha është dërguar në mbajtje për 48 orë.